«SEN» журналы - мектеп жасындағы балаларды әдебиет, өнер, тарих, спорт, технология, экономика, астрономия секілді жан-жақты салалардан хабардар қылатын
эксклюзив контенттің қойнауы іспеттес.

Журналдағы жиырмадан астам айдары аясында түрлі тақырыптар қамтылып, балалар мен жасөспірімдердің білімін толықтыра түседі. Мәселен, «Дәстүрді дәріптейік» айдары балалар ортасында орындалатын ғұрыптарды түсіндірсе, «Не оқып жүрсің?» айдары отандық және шетелдік балалар әдебиетінің жауһарларымен таныстырады. Сондай-ақ таңдай қақтырарлық ғылыми жаңалықтар жайында «Ғажап ғылым», алпауыт брендтердің тарихы туралы «Brand-баян», терең мәні бар өнегелі аңыз-әңгімелер айтылатын «Ел аузынан» атты айдарлар бар. Мұнымен қоса, әр салада жетістікке жеткен ұл-қыздарды үлгі ете отырып, олардың тәжірибесін сіздерге жеткіземіз.

Еліміздегі кез келген бала шығармашылығын шыңдап, тырнақалды туындыларын бөліскісі келсе, ішкі ой-пікірін айналасы естігенін қаласа, журналға хат жолдай алады. Білімді, ойы жүйрік, санасы тұнық оқырманның қатарына СЕН де қосыл!

Сен жаңа дәуірдің жасампаз ұрпағысың!
Сен өз ортаңда көшбасшысың!
Сен күні ертең жаһанды жалт қаратар үлкен потенциал иесісің!
Бастысы, осының бәріне сен!
Бойыңдағы қабілетке сен!
Қайталанбас дара талантыңа сен!
Саған біз сенеміз, елің сенеді, әлем сенеді!

«SEN» - познавательный журнал для школьников на казахском и русском языках, с разнообразным набором рубрик. Это рассказы, репортажи о разных странах и народах, о животных и растениях, об истории окружающих предметов, о космосе и законах физики, а еще интересные интервью с юными телеведущими и героями телеканала «Сәлем, әлем!».